Presidenti aktual i SHBA, Donald Trump, është lajmëruar në rrjetin social në Twitter, kur kanë mbetur vetëm edhe gjysmë ore deri në mbyllje të vendvotimeve.

Trump është shprehur i bindur në fitore, duke thënë se po kalojnë shumë mirë në gjithë vendin, transmeton Reporteri.net

“Po duket që jemi mirë në të gjitha anët e vendit. Falemnderit”, ka thënë Trump.

Ndërkohë, i pari i Shtëpisë së Bardhë foli para gazetarëve, ku tha se është e vështirë për të të humbas.

“Fitorja është gjithmonë e lehtë, humbja asnjëherë të paktën jo për mua”, ka shtuar Trump i cili i është futur garës për një mandat tjetër për president të SHBA-ve.

Ndryshe, sondazhet po e nxjerrin fitues kandidatin demokrat, Joe Biden, i cili pak kohë më parë u shpreh i bindur në fitore./Reporteri.net