Pamje të publikuara nga Armenia tregonin autokolonat e kamionëve ushtarakë që hynin në qytetin e Goris.

Ato transportojnë trupat paqeruajtëse ruse që do të mbikëqyrin armëpushimin e arritur sot me Azerbajxhanin për rajonin e Nagorno-Karabak.

Paqeruajtësit do të mbajnë larg njëra-tjetrës forcat etnike armene dhe ato azere. Pas gjashtë javë konflikti të armatosur, në armëpushimin e sotëm armenët kanë hequr dorë nga pjesë të gjera të territorit azerbaixhanas që fituan tre dekada më parë.

Armëpushimi u ngrit lart nga presidenti azer Ilham Aliyev si “historik,” ndërsa u quajt “i dhimbshëm” por i nevojshëm nga kryeministri armen Nikol Pashinyan.

Rusia ndërmjetësoi marrëveshjen e paqes teksa rreth 12 avionë ushtarake transporti Ilyushin Il-76 sollën në rajon trupat paqeruajtëse, mjetet e blinduara dhe pajisjet e tjera të misionit. Ushtarakët do të mbajnë palët të ndara në konflikt dhe do të mbrojnë një korridor tokësor që lidh Nagorno-Karabak me Armeninë.

⚡️Эксклюзив RT

Автоколонна российских миротворцев выехала из Гориса в сторону Карабаха pic.twitter.com/6jzuUT7sbN

— RT на русском (@RT_russian) November 10, 2020