Punonjësit e shpëtimit po bëjnë punën e tyre përmes rrënojave të fluturimit 7C 2216 të Jeju Air, i cili u rrëzua në aeroportin ndërkombëtar Muan të Koresë së Jugut, përcjell Gazeta Online Reporteri.net.

Avioni mbante 175 pasagjerë dhe gjashtë anëtarë të ekuipazhit kur u rrëzua. Dy anëtarë të ekuipazhit janë nxjerrë nga rrënojat, ndërsa dhjetëra persona janë konfirmuar të vdekur.

Është katastrofa më vdekjeprurëse e aviacionit që ka goditur Korenë e Jugut që nga viti 1997, kur një Boeing 747 i Korean Airlines u rrëzua në xhunglën e Guamit, me humbjen e 228 jetëve.

Ekspertët i thanë CNN se pjesa e poshtme e aeroplanit – konkretisht, rrotat e përdorura për ngritje dhe ulje – dukej se nuk ishin vendosur plotësisht përpara uljes. Por ajo që e shkaktoi këtë dështim të vendosjes është ende e paqartë.