Këshilltarët e presidentit amerikan Donald Trump kanë mbrojtur tarifat gjithëpërfshirëse mbi importet dhe janë zotuar të qëndrojnë në kurs, pavarësisht trazirave të tregut dhe thirrjeve për të shmangur një luftë tregtare.

Në një seri intervistash televizive, Sekretari i Thesarit Scott Bessent hodhi poshtë rëniet e fundit të tregut të aksioneve dhe Howard Lutnick, sekretari i tregtisë, këmbënguli se tarifat reciproke do të zbatoheshin siç ishte planifikuar.

Bessent tha se nuk kishte “asnjë arsye” për të pritur një recesion si rezultat i trazirave. “Ky është një proces rregullimi,” tha ai.

Ndërkohë, një tjetër këshilltar i lartë, Kevin Hassett, tha se më shumë se 50 vende kanë kontaktuar Trump për t’u përpjekur të negociojnë një marrëveshje, ka raportuar BBC, transmeton Express.