Kryeministri britanik, Boris Johnson është transferuar në kujdes intensiv pasi gjendja e tij është përkeqësuar, kanë thënë nga zyra e tij, raporton Sky News.

Kryeministri i ka kërkuar Sekretarit të Jashtëm Dominic Raab që ta zëvendësojë “aty ku është e nevojshme”.

“Gjatë kësaj pasdite, gjendja e kryeministrit është përkeqësuar dhe, me këshillën e ekipit të tij mjekësor, ai është transferuar në njësinë e kujdesit intensiv në spital. Kryeministri ka kërkuar nga Sekretari i Jashtëm Dominic Raab, i cili është Sekretari i Parë i Shtetit, ta zëvendësojë aty ku është e nevojshme. Kryeministri po merr kujdes të shkëlqyeshëm, dhe falënderon të gjithë stafin e NHS për punën e madhe dhe përkushtimin e tyre”, ka thënë një zëdhënës i Qeverisë./Reporteri