Një stuhi rrebeshi që përshkoi zonat mesdhetare ka lënë të paktën 5 viktima në Greqi, Itali dhe Francë.

Autoritetet greke njoftuan se trupat e dy personave u gjetën të mbytur në perëndim të vendit.

Mendohet se anija me të cilën ata udhëtonin u batis nga dallgët si pasojë e erërave të forta.

Stuhitë e shiut dëmtuan edhe infrastrukturën, duke detyruar bllokimin e disa segmenteve dhe mbylljen e shkollave Atika deri në Selanik.

Shirat e rrëmbyer dhe përmbytjet që pasuan u morën jetën tre personave edhe në Francë e Itali.

Dy viktima u raportuan në rivierën franceze ndërsa një grua italiane u gjet e vdekur brenda veturës pas rrëshqitjes drejt lumit.

Njëra anë e urës 50-metërshe që lidh autostradën Torino-Savona u shemb nga shkëputja e një masivi balte.

Segmenti që tani është bllokuar nuk po qarkullohej nga automjetet në momentin e ngjarjes.

Motit të keq nuk i shpëtoi për të dytën javë as Venecia, ku ujërat me lartësi 130 metra detyruan mbylljen e sheshit turistik.

Ndërsa është ulur përkohësisht intensiteti i reshjeve, pritet që moti edhe më i paqëndrueshëm të rikthehet të mërkurën.

https://youtu.be/AhBmH3S3WDg