Kamerat e sigurisë kanë kapur momentin e tmerrshëm të një aksidenti rrugor në Baltimore, ku një veturë që po ndiqej nga policia u përplas me një makinë tjetër në një kryqëzim për të goditur më pas një ndërtesë, një pjesë e së cilës u shemb.

Si pasojë e këtij aksidentit të tmerrshëm, humbi jetën një kalimtar fatkeq, si dhe u plagosën 5 persona të tjerë, raportojnë mediat e huaja.

Policia ishte vënë në ndjekje të makinës Hyundai Sonata që drejtohej nga një 33 vjeçar, e cila ishte raportuar më herët e vjedhur.

Ndjekja zgjati për disa minuta në East North Avenue për të përfunduar më pas me përplasjen horror që shembi dhe një pjesë të ndërtesës në anën e djathtë të rrugës.