Presidenti i Bjellorusisë, Aleksandër Lukashenko, komentoi me përbuzje largimin e demonstruesve nga rezidenca e tij në Minsk, duke i quajtur ata frikacakë.

Policia që siguroi pallatin presidencial i premtoi Lukashenkos se ata do të qëndrojnë me të deri në fund.

Në një video të publikuar nga televizioni shtetëror i Bjellorusisë shihet Lukashenko duke shikuar nga një dritare nga helikopteri dhe më pas duke iu drejtuar pilotit, të cilin e porosit: “Më afër, më afër sheshit … Unë nuk e shoh sheshin … majtas”, duke iu referuar sheshit ku protestuesit po lëviznin në drejtim të qendrës, transmeton Reporteri.

Një kordon policie shihet përmes dritares duke bllokuar rrugën e protestuesve për në rezidencën presidenciale.

“Ata po ikin si minjtë,” komentoi Lukashenko për largimin e protestuesve nga rezidenca presidenciale. /Reporteri.net

https://www.youtube.com/watch?v=qF8zMBAB-js