Policia ka zbuluar grupin në rrjetin social që përfshinte vajza adoleshente që çoi në “kriza vetëvrasjeje” dhe “vetëlëndim serioz”.

12 vajza të moshave 12-16 vjeç nga Anglia ishin pjesë e një grupi bisedash në Instagram, emri i së cilit i referohet vetëvrasjes.

Ky grup u zbulua kur tri vajza u zhdukën dhe më pas u gjetën në gjendje të keqe shëndetësore në Londër.

Instagrami tha se nuk gjeti përmbajtje me elemente për vetëvrasje apo vetëlëndim në atë grup.

Një nga vajzat, pasi u gjetën në rrugë në gjende të rëndë, tha se u takuan me njëra tjetrën për herë të parë dhe se kanë diskutuar për vetëvrasje, sipas raportit policor, raporton BBC.

BBC-ja merr vesh se disa nga fëmijët janë takuar në platforma të tjera të rrjeteve sociale, por që ishin pjesë e grupit të mbyllur në Instagram – titulli i të cilit përmend fjalë “vetëvrasje” dhe “zhdukje”.

Në nëntor 2020, Instagrami prezantoi teknologjinë e re për të njohur përmbajtje me elemente për vetëvrasje apo vetëlëndim në aplikacionin e vetë.