Erik dhe Lyle Menendez – dy vëllezër të dënuar për vrasjen e prindërve të tyre në një rast që tronditi Amerikën më shumë se tre dekada më parë – duhet të rigjykohen dhe të lirohen me kusht, ka rekomanduar prokurori i qarkut të Los Angeles, raporton BBC.

Vrasjet e vitit 1989 të Kitty dhe Jose Menendez në rezidencën e tyre në Beverly Hills kanë mbërthyer SHBA-në për vite me radhë dhe së fundmi kanë frymëzuar një serial të njohur të Netflix.

Rasti u përqëndrua në motivin e Erik dhe Lyle Menendez në vrasjet, në të cilat prindërit e tyre u qëlluan 13 herë teksa shikonin televizor.

George Gascón, prokurori i lartë i LA County, njoftoi të enjten se provat e reja në këtë rast meritonin një rishikim të dënimeve të tyre të përjetshme, transmeton gazeta online Reporteri.net.

Erik Menendez, 53 vjeç dhe Lyle Menendez, 56 vjeç, aktualisht po vuajnë burgim të përjetshëm pa mundësi lirimi me kusht në Kaliforni.

Ka një rrugë të gjatë përpara para se vëllezërit potencialisht të ecin të lirë.

Një gjykatës do të ketë fjalën e fundit nëse vëllezërit duhet të ridënohen dhe një bordi i lirimit me kusht do të duhet të shqyrtojë nëse ata duhet të lirohen nga burgu pasi kanë kryer më shumë se 30 vjet.

Dyshja nuk morën njoftim paraprakisht për vendimin e z. Gascon, as anëtarët e familjes Menendez.

“Unë besoj se vëllezërit ishin subjekt i një sasie të madhe mosfunksionimi në shtëpinë e tyre dhe ngacmimi,” tha Gascón.

Ai tha se nuk ka asnjë justifikim për vrasjen,  por  shtoi se “besoj se e kanë paguar borxhin ndaj shoqërisë”.

Gjatë gjyqeve të tyre penale në vitet 1990, prokurorët i përshkruanin vëllezërit si fëmijë të pasur që planifikonin në mënyrë metodike vrasjet për të pasur akses në pasurinë e prindërve të tyre.

Por avokatët e tyre mbrojtës argumentuan se vëllezërit ishin viktima të viteve të abuzimit emocional, fizik dhe seksual dhe vepruan vetëm për vetëmbrojtje.

Një provë e re ishte një letër nga Erik Menendez drejtuar një anëtari tjetër të familjes që duket të jetë e vitit 1988 dhe detajon abuzimin e supozuar nga babai i tij, Jose.

Provat e tjera erdhën nga një anëtar i atëhershëm i mitur i grupit të djemve portorikanë të viteve 1980 Menudo. Anëtari i grupit pretendoi se Jose Menendez, i cili punonte si ekzekutiv në kompaninë diskografike RCA në atë kohë, e drogoi dhe e përdhunoi gjatë një vizite në shtëpinë e Menendez.

Rasti filloi më 20 gusht 1989 kur vëllezërit – atëherë të moshës 18 dhe 21 – thirrën policinë dhe raportuan se kishin gjetur trupat e prindërve të tyre pasi u kthyen në shtëpi./Reporteri.net/