Maqedonia e Veriut gjatë 24 orëve të fundit ka regjistruar 29 viktima dhe 1.402 raste të reja me COVID-19, shkruan Reporteti.net.

Sipas të dhënave të Ministrisë së Shëndetësisë, numri i përgjithshëm i rasteve të konfirmuara me koronavirus atje ka shkuar në 131.424, ndërsa numri i vdekjeve në 3.810.

Institucionet shëndetësore po ashtu njoftojnë se 761 pacientë të tjerë janë shëruar nga COVID-19, duke e çuar në 107.740 numrin e përgjithshëm të pacientëve të shëruar.

Që nga shpërthimi i pandemisë, autoritetet shëndetësore kanë kryer 629.233 teste të dyshuara për COVID-19, përfshirë 3.978 teste të kryera brenda ditës së fundit.

Aktualisht numri i rasteve aktive me COVID-19 në Maqedoninë e Veriut është 19.874.​​​​​​​