Presidenti rus, Vladimir Putin, ka thyer heshtjen lidhur me vdekjen e shefit të organizatës Wagner, Yevgeny Prigozhin, i cili vdiq pasi iu përplas avioni në të cilin po fluturonte.

Putini ka treguar se për vdekjen e tij u njoftua të enjten në mëngjes, dhe shtoi se hetuesit do të punojnë për zbardhjen e rastit, raporton BBC, transmeton gazeta online Reporteri.net.

“Unë e njoh Prigozhin për një kohë të gjatë, që nga fillimi i viteve 1990,” tha Putin në fjalimin e tij televiziv.

“Ky [Prigozhin] ishte një person me një fat të ndërlikuar dhe ai bëri gabime të rënda në jetë, por gjithashtu kërkoi të arrinte rezultatet e nevojshme – si për veten e tij ashtu edhe për kauzën e përbashkët, si në muajt e fundit”.

E konfirmojnë autoritetet ruse: Prigozhin në mesin e dhjetë të vdekurve nga përplasja e avionit

Tutje Putini tha se nuk do ta harrojë kontributin e mercenarëve Wagner në luftimin e regjimit neo-Nazist në Ukrainë, dhe i njëjti i shprehi ngushëllime familjarëve të Prigozhin.

Ndonëse vetë nuk komentoi aludimet se mund të ketë pasur gisht në këtë punë, presidenti i SHBA-ve, Joe Biden, tha se ka shumë pak gjëra që ndodhin në Rusi prapa të cilave nuk fshihet Putini.

Edhe instanca të tjera ndërkombëtare dyshojnë se vdekja e Prigozhin ka të bëjë me veprimet e këtij të fundit kundër Kremlinit. /Reporteri.net/.

Raportimet për vdekjen e Prigozhin, Presidenti Biden: S’ka shumë gjëra në Rusi pas të cilave nuk fshihet Putini