Një sulm ka ndodhur të hënën mbrëma në qendër të Vjenës.

Mediat e huaja raportojnë se janë vrarë dy persona, kurse një polic që ka qenë në vendin e ngjarjes ka pësuar lëndime të rënda dhe është në rrezik për jetën.

Ministria e Brendshme e Austrisë, duke folur për agjencinë austriake të lajmeve APA është shprehur behet fjalë për një sulm terrorist ose sulm “amok”, transmeton albinfo.ch.

Njëri nga kryesit e sulmit thuhet se ka vdekur, ndërsa një tjetër mund të jetë në arrati.

“Ne jemi me të gjitha forcat e mundshme në veprim” ka shkruar policia në Twitter. “Ju lutemi shmangni të gjitha vendet publike në zonën e qytetit” thuhet në njoftimin e bërë nga ajo. Shumë njerëz janë larguan me panik nga zona e rrezikut.