Menjëherë pas atentatit ndaj kryeministrit sllovak Robert Fico kanë reaguar liderët e shteteve evropiane.

Presidentja e Komisionit Evropian Urula von der Leyen ka dënuar atë që ajo e ka cilësuar “sulm të keq” ndaj Ficos.

Kryeministri rumun, Marcel Ciolacu ka deklaruar se është i tronditur nga lajmi për atentatin. Ai ka thënë se të dyshuarit duhet të mbahen përgjegjës.

Ndërkaq, kryeministri çek Petr Fiala ka deklaruar se i dëshiron shërim të shpejtë Ficos.

Kryeministri hungarez, Viktor Orban ka thënë se është “shumë i tronditur nga sulmi tinëzar kundër mikut tim, kryeministrit Robert Fico”.