Aktivistja 16-vjeçare suedeze e klimës, Greta Thunberg është personaliteti më i ri i zgjedhur nga revista për kopertinën, e cila që nga dhjetori i vitit 1927 zgjedh dhe publikon personazhe nga fusha të ndryshme.

Fotografia e Gretës në kopertinë është shoqëruar me sloganin, “Forca e rinisë”.

Greta, në përzgjedhjen e ‘Time” ka mundur Presidentin Donald Trump dhe Kryetaren e Dhomës së Kongresit amerikan Nancy Pelosi, e cila ka vënë me shpatulla pas murit presidentin amerikan duke e akuzuar për abuzim me pushtetin.

Thunberg është bërë e famshme në të gjithë botën për fushatën e saj kundër ndryshimit të klimës.