Kompania farmaceutike zvicerane “Rosh” ka prezantuar rezultate premtuese nga provat klinike për koktejin eksperimental kundër Kovid-19.

Kjo kombinon barnat (casirivimab dhe imdevimab) dhe është dedikuar për pacientë që nuk janë të shtruar në spital.

Kokteji është zhvillim i përbashkët me laboratorin amerikan “Regeneron”.

“Të dhënat nga faza e tretë e studimit tregojnë një ulje prej 70 për qind të shtrimeve në spital ose vdekjeve në pacientët me Kovid-19 të cilët nuk kanë nevojë për shtrim në spital”, thuhet në kumtesën e kompanisë zvicerane.

Të dhënat gjithashtu tregojnë zvogëlim të kohëzgjatjes së simptomave për katër ditë.