Një avion i Forcave Ajrore Spanjolle është rrëzuar në Detin Mesdhe mëngjesin e ditës së sotme, e për pasojë ka humbur jetën piloti.

Aksidenti me pasoja fatale ka ndodhur disa milje larg bregdetit të La Manga del Mar Menor në Murica.

Ka qenë Ministria spanjolle e Mbrojtjes, ajo që ka konfirmuar vdekjen e pilotit, i cili doli nga kabina duke u lëshuar së bashku me ulësen.

Ishte ora rreth 09:38 kur u raportua për një avion të rrëzuar në det, ndërsa nisi edhe një operacion kërkimi në det për gjetjen e trupit të tij.

Momenti i rrëzimit të avionit dy vendesh, C-101, është filmuar nga kamera amatore. Ndërkohë, nuk dihen ende shkaqet e rrëzimit të avionit.