Rusia është goditur këto ditë nga temperatura të ulëta dhe stuhi të fuqishme dëborë, me erëra të cilat kanë shkuar deri në 136 kilometra në orë.

Në pamjet e publikuara në “YouTube” të cilat janë bërë virale, banorët e qytetit të Vladivostokut mezi qëndrojnë në këmbë dhe era duket se është aq e fuqishmë sa e kanë të pamundur të ecin.

Sipas informacioneve dëmi material nuk është vlerësuar ende, por nga të dhënat e bëra publike dihet që të paktën 60 qytetarë kërkuan ndihmë mjekësore për shkak të lëndimeve të marra nga përplasjet në akull.

Temperaturat e ulëta janë normale në këtë kohë të vitit në Rusi, por erërat tejet të fuqishme duket se e kanë vështirësuar shumë situatën.

https://www.youtube.com/watch?v=DoYQffyhXyA&feature=emb_title