Shtetet e Bashkuara shpallën një paketë ndihme prej 988 milionë dollarësh (934 milionë euro) për të mbështetur Ukrainën në luftën e saj kundër pushtimit rus, të shtunën.

Kjo paketë do të përdoret për të blerë armë dhe pajisje të reja, duke përfshirë municion për sistemet raketore të artilerisë me lëvizshmëri të lartë (HIMARS), të prodhuara nga kompania Lockheed Martin, dronë dhe pjesë këmbimi për mirëmbajtjen e pajisjeve të artilerisë.

Ky veprim redukton gati në gjysmë shumën prej 2.21 miliardë dollarësh (2.09 miliardë euro) që mbetet në iniciativën për ndihmën e sigurisë për Ukrainën (USAI), ndërkohë që administrata e presidentit Biden angazhohet të blejë armë nga industria, në vend që të tërheqë nga rezervat e armatimeve të ShBA-së, shkruan Reuters