SHBA ka njoftuar raundin e katërt të sanksioneve që nga sulmi i Hamasit në Izrael më 7 tetor.

Zëdhënësi i Departamentit të Shtetit, Matthew Miller, tha se tetë zyrtarë dhe lehtësues të Hamasit që përfaqësojnë interesat e grupit jashtë vendit dhe menaxhojnë financat e tij janë në shënjestër në këtë raund të fundit ndëshkimesh, shkruan Al Jazeera.

“Ne e koordinuam nga afër këtë veprim me Mbretërinë e Bashkuar, e cila njëkohësisht synon disa zyrtarë kryesorë të Hamasit me sanksione.

Shtetet e Bashkuara dhe aleatët dhe partnerët tanë janë të palëkundur në angazhimin tonë për të çmontuar rrjetet që mbështesin rrjedhat e financimit të Hamasit, si pjesë e përpjekjeve tona të vazhdueshme për të parandaluar dhe penguar aktivitetin e tij terrorist”, tha Miller në një deklaratë.