×
  • Lajme
  • Botë

    Shifra marramendëse, gazetari paguan 100 mijë dollarë një gotë birrë

    Reporteri
    06 Shtator 2019 | 22:03

    Një gazetar australian ka zbuluar në rrjetin social Twitter se ka konsumuar në Britaninë e Madhe gotën e birrës më të shtrenjtë në histori, pasi pagoi për të thuajse 100 mijë dollarë.


    Peter Lalor, korrespondent i “The Australian” për sportin e kriketit, porositi një birrë “Deuchers IPA” në një hotel në Mançester të dielën në mbrëmje. Birra duhet të kushtonte normalisht pak më shumë se 5 paund. Por gabimisht, banakieri i faturoi në kartën e kreditit 55 315,12 paund, ose 99 983,64 dollarë.

    Lalor tha për BBC se hoteli ishte duke i kthyer paratë mbrapsht, por ai nuk do të ndihet i qetë deri sa të shohë të gjithë shumën përsëri në llogarinë e tij bankare. “Zakonisht australianët thonë që në Angli çmimet janë të larta, por kjo kapërcen çdo parashikim”, tha ai. Ai shtoi në Twitter se birra ishte shumë e mirë, por jo aq sa të kushtonte sa një shtëpi e vogël.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!