Shkon në 6 numri i viktimave nga sulmi në SHBA, policia dyshon se të shtënat erdhën nga një kulm

Ka shkuar në gjashtë numri i viktimave nga sulmi në “Highland Park” të Illinois në SHBA.

Zyrtari policor, Christopher Covelli, ka dhënë detaje për sulmin që ndodhi gjatë një parade, ku po festohej përvjetori i pavarësisë.

Ai ka thënë se policia ka gjetur një armë në një kulm të një ndërtese përreth.

Covelli ka deklaruar se nuk mund të jap detaje më shumë, por sipas tij, duket se të shtënat kanë ardhr nga kulmi, por nuk ka treguar konkretisht se nga cili kulm.

Ai ka thënë se deri në këtë pikë të hetimeve, besohet të ketë qenë vetëm një qitës.

Ndërkohë, autoritetet lokale të vendit, kanë kërkuar nga qytetarët që të mos dalin jashtë shtëpive të tyre.