Të paktën 15 persona kanë humbur jetën dhe 16 të tjerë kanë mbetur të plagosur pas një shpërthimi që ndodhi të shtunën në një bankë në zonën industriale të Karachi-t. Sipas policisë, shpërthimin në degën e bankës Habib Bank Ltd, huadhënësi më i madh i Pakistanit, mund të jetë shkaktuar nga një rrjedhje gazi.

Sarfaraz Nawaz u tha gjithashtu gazetarëve se ndërtesa dukej se ishte ndërtuar mbi një kanal.

“Ekipet tona të eksplozivëve janë në punë duke u përpjekur të përcaktojnë natyrën e shpërthimit, por me sa duket struktura është ndërtuar mbi kanalizime dhe rrjedhja e gazit mund të jetë një shkak i mundshëm,” tha ai.

Në një deklaratë në Twitter, Habib Bank u shprehu ngushëllimet familjarëve të viktimave. Një pikë karburanti e vendosur pranë bankës brenda pronës tregtare industriale Sindh dhe makinat e parkuara aty pranë u dëmtuan rëndë.