Ndërsa gara mes republikanit Donald Trump dhe demokratit Joe Biden po vazhdon ende, dy rrethe kongresi në Maine dhe Nebraska cilësohej se mund të ishin vendimtare për përcaktimin e rezultatit përfundimtar.

Maine dhe Nebraska janë të vetmet shtete në vend që ndajnë votat e Kolegjit Zgjedhor. Maine i jep dy nga katër votat e saj elektorale fituesit në të gjithë vendin, por gjithashtu cakton një votë elektorale për fituesin e votës popullore në secilën nga dy zonat e saj të kongresit, transmeton Reporteri.

Nebraska po ashtu  jep dy nga pesë votat e saj elektorale fituesit në të gjithë vendin, me tri të tjerët që shkojnë te fituesi i votës popullore në secilën prej tre rajoneve të saj të kongresit.

Kjo metodë quhet metoda e rrethit kongresiv. Kjo është arsyeja pse kandidatët presidencialë synojnë “shtetet lëkundëse” specifike, pra shtetet ku votimi mund të shkojë në të dy anët – në vend që të përpiqen të fitojnë sa më shumë votues në të gjithë vendin.

Tashmë është konfirmuar se Trump ka fituar katër votat  elektorale në Nebraska.

Kurse, rivali i tij, Joe Biden ka fituar një votë elektorale në këtë shtet që lejon votuesit të jenë të ndarë.

Situatë tjetër ka ndodhur në Maine, ku demokrati Joe Biden ka fituar të paktën tre nga katër votat elektorale të Maine.

Kujtojmë se 270 vota elektorale për të fituar zgjedhjet presidenciale në SHBA.

Deri më tani ende është duke u zhvilluar garë e ngushtë mes dy kandidatëve. /Reporteri.net