Skandali i korrupsionit në Britani: Kompania e afërt me Partinë Konservatore merr kontratë 3 milionë funta pa tender

Botë

Skandali i korrupsionit në Britani: Kompania e afërt me Partinë Konservatore merr kontratë 3 milionë funta pa tender

Reporteri

03 Gusht 2020 | 17:58

Kompania e komunikimeve politike që qëndron pas strategjisë së diskutueshme të fushatës dixhitale të partisë Konservatore për vitin 2019, mori një kontratë nga Qeveria prej 3 milionë për të punuar në mesazhet për COVID-19 pa një tender konkurrues dhe po negocion me Zyrën e Kabinetit për më shumë punë, shkruan The Guardian – transmeton Reporteri.net.

Top Guerin është themeluar në vitin 2016 nga dy të rinj nga Zelanda e Re, Sean Topham dhe Ben Guerin, dhe është kompani e speacializuar në prodhimin e imazheve dhe videove për mediet sociale dhe ka punuar për disa nga partitë politike të djathta.

Riemërimi i llogarisë zyrtarë të partisë Konservatore në Twitter si “factchechkUK”, mori kritika të mëdha gjatë debatit të liderëve dhe po ashtu edhe krijimi i një faqe në internet të paraqitur si manifesti i partisë së Punës.

-->

Lexo edhe:

Izraeli thotë se ka shkatërruar infrastrukturën bërthamore në Isfahan

Sulmi i Iranit ndaj Izraelit, deri tani nuk raportohet për të lënduar nga sulmet në Tel Aviv

Irani lëshon raketa drejt territorit izraelit, reagojnë Forcat Ajrore

Një hulumtim nga The Guardian dhe openDemocracy, ka zbuluar se më 17 mars, pak para se Mbretëria e Bashkuar të hynte në bllokim, Topham Guerin u kontaktua nga Zyra e Kabinetit për të punuar në komunikimet publike të Qeverisë.

Sipas rregulloreve emergjente për COVID-19, lejohet që Qeveria të heqë praktikat e zakonshme të tenderimit konkurrues.

Asnjë tender nuk u hapë për të lejuar kompanitë e tjera që të bënin oferta për atë punë.

Një kontratë 6 mujore është zyrtarizuar më pas me datën 7 maj, me një retrospektivë data e fillimit të pandemisë më 17 mars, për një shumë totale prej 3 milionë euro.

Detajet nuk u bënë publike deri në mes të korrikut.

Topham Guerin është kompania e fundit e lidhur me partinë Konservatore, e njohur që ka marrë kontrata nga Qeveria sipas rregullave të prokurimit emergjent.

Kontrata e Topham Guerin përcakton përgjegjësitë e nivelit të lartë të firmës, duke përfshirë që personeli i saj të marrë pjesë në takimet e përditshme në rrugën Downing osë Zyrën e Kabinetit, të uhdëheqë strategjinë e markës dhe të prodhojë përmbajtje të medieve sociale.

Kontrata gjithashtu thoshte se do përfshiheshin edhe takime javore me njësinë e informacionit të ushtrisë britanike, Brigadën e 77-të, për të shqyrtuar përpjekjet për zbutjen e lajmeve të rreme dhe për të dhënë rekomandime për veprime të mëtejshme për të ndërmarrë.

Një zëdhënës i Zyrës së Kabinetit ka thënë për The Guardian se Topham Guerin kryesisht kishte prodhuar mesazhe në mediet sociale por takimet me Brigadën e 77-të nuk u zhvilluan kurrë.

The Guardian ka raportuar më parë se Topham dhe Guerin, të cilët janë në të 20-at e tyre, kanë punuar në fushata të mëdha propagandistike për partnerët CTF, të drejtuar nga strategu afatgjatë i Tories Sir Lynton Crosby, në emër të klientëve përfshirë ndotës të mëdhenj, qeveria Saudite Arabe dhe grupet kundër ciklit.

Pas punës në fushatën zgjedhore Tory vitin e kaluar, Topham Guerin mori më shumë staf në zyrën e saj, Mayfair, në janar dhe shkurt. Midis këtyre emërimeve ishte Deborah Feldman, një ish staf konservator që më parë ka punuar për CTF si drejtor menaxhues.

Ndërsa kontrata prej 3 milion me Topham Guerin zgjatë deri më 16 shtator, Guardian ka mësuar se Zyra e Kabinetit është duke negociuar një kontratë të re me firmën.

Nuk është e qartë se për çfarë kontrate të propozuar është, ose nëse do të tenderohet me konkurrencë.

Kompania nuk u përgjigj në një pyetje në lidhje me kontratën e re dhe një zëdhënës i Zyrës së Kabinetit tha se nuk mund të komentojë mbi negociatat në vazhdim.

Një zëdhënës i Topham Guerin ka thënë që kompania kishte siguruar udhëzime për fushatën Enjoy Summer Safely nga agjensia e reklamave Mullenlowe.

“Topham Guerin janë krenarë që kanë punuar me të dy qeveritë e Zelandës së Re dhe Britanisë së Madhe për të siguruar mbështetje krijuese dhe dixhitale për përgjigjet e tyre të të gjitha qeverive ndaj krizës Covid-19,” ka thënë ai, transmeton Reporteri.net. /Reporteri.net/

Shpërndaje: