Një mercenar rus, pjesë e grupit famëkeq Wagner, është vrarë nga një snajperist ukrainas pranë Kharkivit mbrëmjen e 5 qershorit

Vladimir Andonov, 44 vjeç, u bë i njohur për vrasjet makabre të burgosurve të luftës dhe civilëve në Donbas. Rusët e njihnin atë me pseudonimin “Vakha”, ndërsa për ukrainasit njihej si “Xhelati” për shkak të masakrave që ai mori pjesë gjatë pushtimit të parë të Rusisë në vitin 2014.

Vdekja e tij u konfirmua nga Zhambal-Zhamso Zhanaev, kreu i rajonit ku jetonte Andonov, i cili foli për gazetën ruse “Moskovskij Komsomolets”. Ai tha se trupi i pajetë i Andonov po dërgohet në rajonin e tij të lindje ku do të varroset./A2CNN