Stuhia më e fortë në histori ka goditur Bahamas.

Pas kalimit të uraganit Dorian, me erëra të fuqishme deri në 320 km / orë, shtëpitë kanë mbetur pa çati dhe vendbanime të tëra plotësisht nën ujë.

National Hurricane Center ka lëshuar një paralajmërim për pjesë të Bahamas mbi rritjen e nivelit të ujit që mund të sjellë deri te përmbytjet katastrofike, transmeton Reporteri.net.

Se sa e rrezikshme është situata e ka konfirmuar edhe Ministri i Bujqësisë, Michael Pintard. Nga shtëpia e tij, ai postoi një video ku shihet se uji ia ka mbuluar plotësisht shtëpinë.

"That’s my kitchen window that water is hitting, and that has to be a minimum of about 20 feet above the ground." Bahamas Minister for Agriculture Michael Pintard describes flooding from Hurricane Dorian at his house in Grand Bahama. https://t.co/gwEfK4bh8a pic.twitter.com/XxAR2r2RpA

— CNN (@CNN) September 2, 2019

Mobiljet tashmë lundrojnë në ujë, dhe valët që arrijnë në 6 metra godasin dritaret, duke lënë të kuptohet se sa serioze është situata.

Uragani Dorian ndodhet aktualisht mbi Bahamas dhe pritet të qëndrojë në atë zonë para se të fillojë ngadalë të afrohet në Bregun Amerikan të Lindjes, ku kanë filluar evakuimet e para.

Uragani, i shoqëruar aktualisht nga erërat 249 kilometra në orë, është dobësuar në kategorinë e katërt, por do të jetë shumë i fortë brenda ditëve në vijim. /Reporteri.net