Një 23-vjeçar goditi me thikë pesë kalimtarë në Villach, një qytet në Austrinë jugore, tha policia. Nga sulmi mbeti i vrarë një djalë 14-vjeçar dhe katër persona u lënduan.

Policia ka arrestuar të dyshuarin. Burri është një shtetas sirian me banim të ligjshëm në Austri, tha policia.

Një burrë 42-vjeçar, i cili punon për një kompani transporti ushqimesh, e ka parë incidentin nga makina e tij. Ai e drejtoi automjetin e tij drejt të dyshuarit dhe ndihmoi në parandalimin e përshkallëzimit të mëtejshëm të situatës, tha zëdhënësi i policisë Rainer Dionisio për transmetuesin publik austriak ORF.

Policia tha se ende nuk është e qartë nëse i dyshuari ka vepruar i vetëm dhe se po vazhdon kërkimin për të dyshuar të tjerë të mundshëm./Reporteri.net/