Sydney ka regjistruar natën më të nxehtë të nëntorit. Mbrëmë temperatura minimale në Sydney gjatë natës ishte 25.4 gradë Celsius, ndërsa sot gjatë ditës pritet të jetë deri në 40 gradë Celsius, shkruan BBC.

Moti i nxehtë ka shtyrë Shërbimin e Zjarrfikësve të New South Wales (NSW), që të ndalojnë totalisht zjarrin për pjesët lindore dhe veri-lindore të shtetit.

Zjarrfikësit po luftojnë me zjarre në këtë shtet.

Temperaturat janë rritur edhe në shtetet tjera të Australisë, përfshirë në Australinë Jugore dhe në Victoria.