Marrëdhëniet e Kanadasë me Shtetet e Bashkuara “nuk do të jenë kurrë të njëjta” pasi Donald Trump vendosi tarifa të reja , tha të premten ministrja e Punëve të Jashtme Melanie Jolie.

“SHBA-ja dëshiron t’i bëjë gjërat ndryshe, dhe ne e kuptojmë këtë. Pra kjo është arsyeja pse ne do të kërkojmë të sigurohemi që të arrijmë një marrëveshje për tregtinë, por edhe për sigurinë,” tha Jolie.

Trump “respekton pushtetin “, kjo është arsyeja pse Kanadaja ka vendosur tarifa të ngjashme me vlerë 60 miliardë dollarë kanadezë për produktet amerikane, shtoi ministrja kanadeze. “Ne njoftuam dje anti-tarifat e reja për makinat, sepse besojmë se në fund të fundit është mënyra më e mirë për të arritur përfundimisht një marrëveshje të mirë,” tha ajo, duke shtuar se Kanadaja po ushtron “presion maksimal” mbi administratën Trump.

Ndërkohë, ndërsa nuk u vendosën tarifa të mëtejshme ndaj Kanadasë dhe Meksikës, dy nga partnerët kryesorë tregtarë të Amerikës, Trump kishte njoftuar më parë tarifa prej 25 për qind për të dy vendet për ato që ai i quajti përpjekje të pamjaftueshme për të frenuar imigracionin dhe trafikun e fentanilit.