Një dramë e vërtetë u zhvillua dje në pistën e aeroportit të Sarajevës, kur konflikti shpërtheu midis pjesëtarëve të Policisë Kufitare dhe anëtarëve të sigurimit personale të Presidentit të Turqisë, Recep Tayyip Erdogan.

Deri tek incidenti erdhi në pistë, kur anëtarët e sigurimit të Erdoganit refuzuan të kalojnë nëpër kontrollin e rregullt të aeroportit, transmeton Reporteri.net.

Përndryshe, kjo nuk është hera e parë që sigurimi i presidentit turk vjen në qendër të vëmendjes. Në një rast tjetër kur Erdogan ishte në Nju Jork në vitin 2017 për të marrë pjesë në sesionin e 72-të të Asamblesë së Përgjithshme të OKB-së, ndodhi një incident në hotelin “Meriot Marquis”.

Në mes të fjalimit të Erdoganit në turqisht, një i ri në sallë u ngrit dhe e mbylli fjalimin duke thirrur: “Ti je terrorist, largohu nga vendi im!” Në sallë shpërthyen trazirat.

Më parë, gjatë vizitës së Erdoganit në Uashington, truprojat e tij u përfshinë në dhunë me demonstruesit ndërsa Erdogan qetësisht shikonte nga makina e tij.

Kujtojmë ngjarjet e vitit 2016 kur sigurimi i Erdoganit ushtroi dhunë ndaj një grupi grash që protestonin për fjalimin e Erdoganit në Ekuador.

Përveç kësaj, sigurimi i  Erdoganit në vitin 2011 u rrah me sigurimin në ndërtesën e Kombeve të Bashkuara pasi ata nuk donin t’i lejonin të kalonin përmes hyrjes që ishte mbyllur. /Reporteri.net