Shtëpia e Bardhë ka publikuar detajet zyrtare të telefonatës mes presidentit amerikan Joe Biden dhe kryeministrit izraelit Benjamin Netanyahu, raporton BBC.

Thuhet se dy liderët kanë biseduar për situatën në Gaza, me Bidenin “që ka theksuar se bombardimet ndaj punëtorëve humanitarë dhe situata humanitare janë të papranueshme”, transmeton gazeta online Reporteri.net.

Bideni gjithashtu ia ka bërë të qartë nevojën për Izraelin që “të njoftojë dhe implementojë serinë e masave konkrete dhe specifike për të adresuar dëmtimin e civilëve dhe vuajtjet humanitare dhe sigurinë e punëtorëve të ndihmave”.

Bideni e ka porositur kryeministrin izraelit se politika amerikane “me respekt edhe për Gazën, do të përcaktohet nga vlerësimi ynë i veprimeve të menjëhershme të Izraelit në këta hapa” dhe ka theksuar se armëpushimi i menjëhershëm “është vendimtar për të stabilizuar dhe përmirësuar situatën humanitare dhe mbrojtjen e civilëve të pafajshëm”.

Zyra e Netanyahut ende nuk ka publikuar versionin e saj të telefonatës me presidentin amerikan.