Presidenti amerikan, Donald Trump akuzoi qeverinë e Afrikës së Jugut, të udhëhequr nga Presidenti Cyril Ramaphosa, se nuk po trajton atë që administrata e tij e konsideron gjenocid ndaj të bardhëve në një takim të tensionuar në Zyrën Ovale.

Presidenti amerikan Donald Trump përdori një takim në Shtëpinë e Bardhë për t’u përballur me Presidentin e Afrikës së Jugut, Cyril Ramaphosa, duke akuzuar vendin se nuk po trajton pretendimin për vrasjen sistematike të fermerëve të bardhë.

Trump madje i uli dritat në Zyrën Ovale të lëshuar një video të një politikani të ekstremit të majtë duke kënduar një këngë me tekstin “vrit fermerin”.

Ai gjithashtu shqyrtoi artikujt e lajmeve për të theksuar argumentin e tij, duke deklaruar se fermerët e bardhë të vendit kanë hasur  vetëm në “vdekje, vdekje, vdekje, vdekje të tmerrshme”.

🚨 HOLY CRAP! President Trump just DIRECTLY confronted the President of South Africa with videos of his government calling for WHITE GENOCIDE

"Turn the lights down and roll the video!"

"These are burial sites — crosses marking murdered White farmers"

The President of SA looks… pic.twitter.com/WHr5zxDVO3

— Nick Sortor (@nicksortor) May 21, 2025

Trump më parë kishte ndërprerë të gjithë ndihmën amerikane për Afrikën e Jugut dhe u kishte shprehur mirëseardhjen shumë fermerëve të bardhë të Afrikës së Jugut, duke u dhënë atyre statusin e refugjatit në Shtetet e Bashkuara, ndërsa mbronte idenë se një “gjenocid” po zhvillohet në vend.

Presidenti i 47-të i SHBA-së ka nisur një sërë akuzash kundër qeverisë së Afrikës së Jugut, duke pohuar se ajo po konfiskon tokën nga fermerët e bardhë, po zbaton politika diskriminuese ndaj të bardhëve dhe po miraton një politikë të jashtme armiqësore ndaj Uashingtonit.

“Njerëzit po ikin nga Afrika e Jugut për sigurinë e tyre”, tha Trump. “Tokat e tyre po tyre po konfiskohen dhe në shumë raste ata po vriten”, shtoi ai. /Reporteri.net/