Donald Trump ka ngushtuar avantazhin e Joe Biden në Arizona.

Gara për Shtëpinë e Bardhë është ende shumë afër për t’u vendosur ndërsa ballafaqimet ashpërsohen në shtetet e fushës së betejës, Georgia, Arizona dhe Pennsylvania, shkruan Cnn, transmeton lajmi.net.

Qarku më i madh në Arizona sapo ka lëshuar votimin e dytë nga dy seritë e votave të reja të premtuara të Mërkurën mbrëma – duke tkurrur epërsinë e Joe Biden atje me pak më shumë se 10,000 vota.

Totali i përditësuar i votave i lëshuar nga Maricopa County pas orës 2:30 të mëngjesit të së enjtes tregon Biden me 912,585 vota dhe Trump me 838,071.

Më parë, Maricopa, qarku më i populluar i shtetit, po raportonte 887,457 vota për Biden dhe 802,160 për Trump.

Rezultatet e reja erdhën ndërsa zyrtarët e Qarkut Maricopa u detyruan të mbyllnin ndërtesën e zyrës zgjedhore Phoenix për publikun për shkak të protestave në rritje pro-Trump.