Donald Trump ka postuar sërish këtë mëngjes në platformën e tij “Truth Social”, pasi i mbijetoi një atentati në tubimin e tij të djeshëm në Pennsylvania, shkruan CNN, përcjell Reporteri.net.

“Ishte vetëm Zoti që parandaloi të ndodhte e paimagjinueshmja”, tha Trump për të shtënat, të cilat lanë të paktën një pjesëmarrës të vdekur dhe dy të plagosur rëndë.

“Ne nuk do të kemi frikë”, shtoi ai.

Ai tha se do të mbetet “rezistent” dhe shtoi, “Dashuria jonë shkon për viktimat e tjera dhe familjet e tyre”.

“Në këtë moment, është më e rëndësishme se kurrë që të qëndrojmë të bashkuar dhe të tregojmë karakterin tonë të vërtetë si amerikanë, duke mbetur të fortë dhe të vendosur dhe duke mos lejuar që e keqja të fitojë”, tha ai.

“Unë me të vërtetë e dua vendin tonë dhe ju dua të gjithëve dhe mezi pres të flas me kombin tonë të madh këtë javë nga Wisconsin.”

Trump pritet të vazhdojë të marrë pjesë në Konventën Kombëtare Republikane në Milwaukee, e cila fillon të hënën.

/Reporteri.net/