Presidenti amerikan Donald Trump ka thënë se po merr ilaçe anti-malarie për të lehtësuar simptomat nëse eventualisht është i infektuar me coronavirus, megjithëse efekti i këtij ilaçi në infeksion nuk është provuar.

Trump u tha gazetarëve se ai po merrte “shtesa hidroksilklorine dhe zinku” çdo ditë për rreth një javë e gjysmë.

“Fillova ta marr sepse mendoj se është mirë. Kam dëgjuar shumë histori të mira”, tha Trump.

Ai shtoi se mjeku i tij nuk e kishte rekomanduar përdorimin e ilaçit.

Hidroksilklorina mund të ketë efekte anësore serioze në disa pacientë, dhe deri më tani nuk ka prova që ndihmon kundër coronavirusit të ri.

Në kundërshtim me këshillat e shumë ekspertëve të shëndetit, Trump ka javë që promovon hidroksilkolinën si një kurë e mundshme për Covid-19. /Reporteri.net