Presidenti i tanishëm i Shteteve të Bashkuara të Amerikës, Donald Trump, po vazhdon të këmbëngulë që ka fituar zgjedhjet presidenciale të mbajtura më 3 nëntor.

Pak minuta më parë, Trump ka postuar në rrjetet sociale fjalinë e shkurtër që e ka përmendur më së shpeshti këto 10 ditët e fundit, shkruan Reporteri.net.

“Unë i fitova zgjedhjet”, ka shkruar ai në Facebook.

Përmes kësaj, Trump vazhdon të këmbëngulë që ai është fituesi i vetëm i zgjedhjeve, edhe pse më shumë vota elektorale ka marrë kundërshtari i tij Joe Biden.

Kujtojmë se Trump ka akuzuar partinë e Biden për manipulim votash dhe është shprehur se çështja do të shkojë në Gjykatë. /Reporteri.net