Presidenti i SHBA-së, Donald Trump dhe rivali Demokrat, Joe Biden, po bëjnë fushatë të enjten në Florida, një shtet që është esencial për rrugën e Republikanëve për të fituar edhe një mandat, shkruan agjencia AP.

Të dy kandidatët për president kanë kthyer përqendrimin që t’i inkurajojnë votuesit të paraqiten në person në zgjedhjet e 3 nëntorit.

Më tepër se 73 milionë kanë votuar tashmë, me kusht apo me email, dhe Trumpi e Bideni po mundohen t’u japin energji miliona qytetarëve tjerë që të votojnë të martën. Derisa votimet në ditën e zgjedhjeve zakonisht favorizojnë Republikanët dhe votimet e hershme kanë tendencë të shkojnë kah Demokratët,pandemia e koronavirusit, që ka shkaktuar vdekjen e 227 mijë qytetarëve në SHBA, ka sjellë paqartësi.

Trumpi dhe Bideni do të paraqiten në Tampa sot.

Për Trumpin asnjë shtet mund të mos jetë më i rëndësishëm se Florida. Po 29 vota elektorale nga ky shtet, rruga e Trumpit për një mandat tjetër do të jetë shumë e vështirë.