Gjykata e New Yorkut ka urdhëruar Donald Trumpin që të paguajë 354 milionë dollarë në procesin gjyqësor për mashtrim, raporton BBC.

Ish-presidentit gjithashtu i është ndaluar të bëjë biznes në New York për tre vjet, përcjell gazeta online Reporteri.net.

Djemtë e tij, Donald Trump Jr dhe Eric Trump janë gjobitur me 4 milionë dollarë secili dhe u është ndaluar të bëjnë biznes në New York për dy vjet.

Trumpi dhe të bijtë e tij kanë ngritur ndjeshëm vlerën e patundshmërive të tyre me qëllim që të siguronin kredi më të mira.

Ekipi i Trumpit ka paralajmëruar se do të apelojë vendimin.