Presidenti ukrainas Volodymyr Zelensky i dha titullin Hero i Ukrainës, ushtarit të ekzekutuar ukrainas Oleksandr Matsiyevksy.

Ushtari ukrainas i paarmatosur i cili ishte zënë rob nga forcat ruse u ekzekutua në mënyrën më brutale të mundshme dhe momenti i vrasjes së tij ishte xhiruar dhe pamjet kanë bërë xhiron anembanë në internet.

Zelensky përmes një postimi në Twitter ku informoi publikun e gjerë për dhënien e titullit tha se Matsiyveksy do të njihet dhe kujtohet gjithmonë për trimërinë e tij, për besimin e tij në Ukrainë.