Ekspertët amerikanë kanë rindërtuar rrugëtimin me helikopter që çoi në vrasjen e nëntë personave përfshirë një prej lojtarëve më të mëdhenj të basketbollit në histori, Kobe Bryant.

Gjatë kësaj kohe ende po bëhet një kërkim i gjerë në vendin ku u rrëzua helikopteri, dhe ajo që dihet për tani është se po bëhet një analizë e hollësishme e shkaqeve që çuan në vdekjen e 9 personave.

Helikopteri me nëntë pasagjerë u rrëzua të dielën pas orës 09:30 të mëngjesit pranë Kalabasas. Në ditën e përplasjes për shkak të motit të keq dhe errësirës, kërkimi nuk dha rezultatet e duhura, për çka vazhdoi edhe të hënën, transmeton Reporteri.net.

Fluturimi zgjati rreth 40 minuta pasi ata ishin nisur në një udhëtim prej rreth 112 kilometrash në veri-perëndim. Helikopteri është planifikuar fluturojë në qendër të qytetit të Los Anxhelesit, pastaj përtej Luginës së San Fernandos në veri të qytetit, pastaj në destinacionin e tij përfundimtar mbi një zonë kodrinore që çon në perëndim, përgjatë Tawend Oaks.

Në një analizë të fluturimit fatal, Revista New York u përpoq të rindërtojë ngjarjen dhe veprimet që ndikuan që piloti Ara Zobajan të humbasë kontrollin.

Autori Jeff Weiss raportoi se piloti ishte mbështetur në pamjen e tij nga kabina në fushë  dhe për këtë arsye duhej të qëndronte nën re. Përndryshe, ai do të duhej të kalonte në “rregullat e fluturimit instrumental”, nga të cilat do të merrte udhëzime se si të mbrohej nga terreni i rrezikshëm, moti i keq dhe avionët e tjerë. “Megjithatë, hapësira ajrore mbi Kaliforninë Jugore është shumë e ngarkuar dhe ata mund t’ju thonë të prisni deri në një orë. Dhe nëse kërkoni ndihmë, atëherë ju jeni vetëm një nga shumë në pritje, pavarësisht se jeni Kobe Bryant”, tha një profesor ndihmës i aviacionit në Universitetin e New Yorkut.

Kështu, duke u mbështetur në analizën e tij, piloti ngriti helikopterin në një lartësi prej 243 metrash dhe u drejtua drejt veri-perëndimit me një shpejtësi prej 280 kilometrash në orë.

“Ndërsa fluturonte në qendër të qytetit të Los Angeles, ai gjithashtu fluturoi përtej sallës ku Bryant kaloi karrierën e tij 20-vjeçare. Ai vazhdoi fluturimin ashtu siç ishte planifikuar  duke ndjekur autostradën sepse edhe një pilot pa orientim mund të kalonte në atë hapësirë përmes trafikut”, shpjegohet. Atëherë iu desh të kërkojë leje për fluturim

“Para se të hynte në Luginën e San Fernandos, afër aeroportit, atij iu desh leja e kontrollit të fluturimit. Aty ngadalësoi dhe bëri një seri kthesash nga e majta. Pas 11 minutash leja iu miratua dhe vazhdoi. Së shpejti arriti në afërsi të destinacionit – “Mamba Sports Academy”. Ishte vetëm 27 kilometra në perëndim.

“Për herë të parë, helikopteri nuk po fluturonte mbi hapësirën e gjerë të Los Anxheles urbane. Toka këtu ishte kodrinore dhe e pjerrët. Mjegulla përmbyti terrenin dhe shikueshmëria nuk mund të ishte më shumë se 50 deri në 100 metra. Nga ora 9.45 në mëngjes temperatura në rritje largoi mjegullën në pjesën më të madhe, por por retë e ulëta të trasha ishin akoma atje”,  shpjegohet tutje.

Ndërsa helikopteri iu afrua destinacionit të tij përfundimtar, ishte  në lartësi më pak se 150 metra.

“Në përpjekje për të krijuar një rrip sigurie midis tij dhe terrenit gjithnjë e më kodrinor, piloti mund të ketë filluar një ngjitje të shpejtë, duke u ngjitur afro 300 metra në 36 sekonda. Kjo e solli atë shumë afër reve.

Ne kurrë nuk mund ta dimë saktë nëse helikopteri hyri në re, por nëse ndodhi, por nëse kjo ka ndodhur atëherë, piloti hasi në një lloj linje të padukshme. Dhe, atëherë pilotët që drejtojnë avionin bazuar në inspektimin vizual të tokës, nuk mund ta shohin më tokën.

The pilot of the helicopter crash that killed Kobe Bryant was an ‘incredible’ flyer who was ‘especially attentive’ to the NBA star https://t.co/IX2bNzaxSB

— The Sun (@TheSun) January 27, 2020

Për më tepër, piloti i Bryant kishte një problem tjetër sepse ai e dinte që përpara tij ishte një terren i pjerrët dhe ai nuk mund ta shihte atë. Për të mos u goditur, ai mund të vazhdonte të ngjitej dhe të shpresonte të arrinte një lartësi të caktuar më shpejt sesa toka poshtë tij. Ose ai mund të ngadalësonte, të ndalonte dhe të zbriste vertikalisht derisa të dilte nga retë. Sipas lëvizjes së avionit, piloti u zbulua se kishte zgjedhur opsionin e tretë. Saktësisht 15 sekonda pas 9:45, ai bëri  rrotullim në të majtë, pastaj u zhyt.

Pse? Ne kurrë nuk do të jemi në gjendje ta dimë të vërtetën. Por nga përvoja ime e fluturimit, unë e di se një ndjenjë rreziku e papritur dhe intensive krijon një ndjenjë të mbingarkesës psikologjike, në të cilën është pothuajse e pamundur të vlerësohen opsione racionalisht. Përkundrazi, bëhen zgjedhjet aktuale dhe më të dukshme. Në këtë rast, kjo do të thoshte piloti që përpiqej të kthehej në ajër të pastër duke u zhytur nën retë, me një kthesë të papritur, për të shpëtuar nga terreni i rrezikshëm ”, është shprehur ai. /Reporteri.net.