Mbyllja e shkollave për shkak të pandemisë së koronavirusit, e cila ka prekur më shumë se 156 milionë studentë në 19 vende, nuk mund të zgjasë më, sepse do të shkaktojë “dëmtimin e një brezi”, paralajmërojnë Kombet e Bashkuara.

“Kanë kaluar 18 muaj që nga fillimi i pandemisë së Covid-19 dhe arsimimi i miliona fëmijëve mbetet ende i ndërprerë . Kjo situatë nuk mund të vazhdojë më. Shkollat ​​duhet të ishin mbyllur të fundit dhe hapeshin të parat”, thanë përkatësisht shefi ekzejutiv i Unicef ​​dhe Unesco Enrietta For dhe Ondre Azoule.

Përfaqësuesit nënvizojnë se rihapja e shkollave nuk duhet të presë fundin e pandemisë ose vaksinimin e të gjithë nxënësve dhe stafit, pasi shkollat ​​nuk i përkasin zonave kryesore të transmetimit të virusit.

Përkundrazi, “ndoshta do të jetë e pamundur të parandalohet ndikimi i pashmangshëm tek fëmijët dhe të rinjtë, që nuk kanë qenë në gjendje të paraqiten fizikisht në shkollë. Stresi psikologjik, ekspozimi ndaj dhunës dhe abuzimit, humbja e vakteve të shkollës dhe vaksinimet ose mungesa e socializimit, pasojat për fëmijët do të ndihen kudo: në performancën e tyre në shkollë, në shoqërizimin e tyre dhe në shëndetin e tyre fizik dhe mendor “, theksojnë ata në njoftimin e tyre, shkruan CNN.

“Për të parandaluar shkatërrimin e një brezi, ne u bëjmë thirrje qendrave të vendimmarrjes dhe qeverive që t’i japin përparësi rihapjes së shkollave në kushte të një sigurie të plotë. Mbyllja e shkollave e vë të ardhmen tonë në rrezik”.