Ushtria e Turqisë sot ka vendosur kontrollin mbi qytetin kufitar sirian Ras al-Ajin, njoftojnë mediat.

Trupat turke dhe njësitë e opozitës që luftojnë ushtrinë siriane kanë hyrë në Ras al-Ain pasi njësitë e koalicionit të Forcave Demokratike Siriane u tërhoqën nga qyteti, transmeton KosovaPress.

Më parë, forcat demokratike të formuara rreth grupeve të armatosura kurde filluan të tërhiqeshin nga Ras al-Ajin, siç ishte rënë dakord me SHBA.

Ankaraja nuk heq dorë nga krijimi i një “zone sigurie” në rajonet veriore të Sirisë, përgjatë kufirit, ku refugjatët nga Turqia mund të ktheheshin.

SHBA dhe Turqia arritën një marrëveshje për të pezulluar operacionin luftarak më 17 tetor për një periudhë 120-orëshe për të lejuar njësitë kurde të Forcave Demokratike Siriane të linin kohën për të lëshuar kufirin në “zonën e sigurisë”.