Ka vdekur opozitari rus Alexei Navalny gjatë qëndrimit në burg, njoftojnë mediat e huaja, përcjell gazeta online Reporteri.net.

Politikani rus i opozitës Alexei Navalny, ka qenë një kritik i zëshëm i presidentit Vladimir Putin.

The Guardian raportoi se Navalny ka vdekur në burg, në atë që ka të ngjarë të shihet si një vrasje politike që i atribuohet Vladimir Putinit.

Zëdhënësja e Navalnyt, Kira Yarmysh, tha se avokati i tij po udhëton për në Kharp, ku Navalny është mbajtur që nga dhjetori.

“Sapo të kemi ndonjë informacion, ne do t’ju njoftojmë,” shkroi Yarmysh në X.

Navalny, 47-vjeç, ishte një nga kritikët më të mëdhenj dhe këmbëngulës të Putinit, i cili po mbahej në një burg në veri të Rrethit Arktik, ku ishte dënuar me 19 vjet burgim nën një “regjim të veçantë”.

Në fillim të dhjetorit ai ishte zhdukur nga një burg në rajonin e Vladimirit, ku po vuante një dënim 30-vjeçar me akuza për ekstremizëm dhe mashtrim që ai i kishte quajtur ndëshkim politik për drejtimin e opozitës anti-Kremlin të viteve 2010.

Ai nuk pritej të lirohej derisa Vladimir Putini do të ishte në pushtet./Reporteri.net/.