Raportuesja për Kosovën në Parlamentin Evropian, Viola von Cramon, po thotë se shteti serb mund të ketë fshehur numrat e rasteve me Coronavirus, vetëm e vetëm për t’u mbajtur zgjedhjet.
Cramon, ka shkruar në Twitter se presidenti serb, Aleksandar Vuçiq mund të ketë gënjyer rreth numrit të të infektuarve për shkak se i konvenonte që zgjedhjet të mbaheshin, transmeton Reporterin.
Ajo po ashtu ka potencuar se gjatë natës së mbrëmshme është ushtruar dhunë brutale ndaj protestuesve, por edhe ndaj kalimtarëve.
“Duket se Vuçiqi gënjeu rreth numrave të COVID-19 për të pasur ‘zgjedhje’ të qeta. Ai nuk mund të fshihet pas shtimit të rasteve të reja dhe njerëzit e dinë se për të pushteti ishte më i rëndësishëm se shëndeti. Protesta të mëdha paqësore dje dhe ai po sulmon brutalisht protestuesit dhe kalimtarët”, shkroi ajo në Twitter. /Reporteri.net
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
