Një reagim ka ardhur nga Uashingtoni, pas një sulmi të madh rus në Kiev, që vrau të paktën 12 persona dhe plagosi dhjetëra gjatë natës.

I dërguari i Donald Trumpit për Ukrainën, Keith Kellogg, ka përdorur rrjetet sociale për të dënuar bombardimet e Moskës, shkruan skynews.

“Vrasja pa dallim e grave dhe fëmijëve gjatë natës në shtëpitë e tyre është një shkelje e qartë e Protokolleve të Paqes të Gjenevës të vitit 1977, të krijuara për të mbrojtur të pafajshmit”, shkroi ai.

“Këto sulme janë të turpshme. Ndaloni vrasjen. Armëpushim tani”, vazhdoi Kellogg.

This is Kyiv. The indiscriminate killing of women and children at night in their homes is a clear violation of the 1977 Geneva Peace Protocols designed to protect innocents. These attacks are shameful. Stop the killing. Ceasefire now. pic.twitter.com/89XRWZcP21

— Keith Kellogg (@generalkellogg) May 25, 2025

Ndryshe, në sulmet e fundit të vdekur kanë mbetur tre fëmijë nga një familje – dy vëllezër dhe një motër.

Prindërit e tyre u plagosën rëndë nga sulmi dhe aktualisht po marrin trajtim spitalor. /Telegrafi/