Gjashtë persona janë qëlluar për vdekje në një sulm në një qytet bregdetar pranë Athinës, tha policia greke të hënën.

Deri tani nuk ka të dhëna mbi motivin e sulmit.

Policia në një deklaratë tha se trupat u zbuluan këtë mbrëmje në Artemida, rreth 20 kilometra (12 milje) në lindje të Athinës. Megjithatë, nuk u dhanë detaje të mëtejshme mbi rrethanat e të shtënave apo identitetin e viktimave.

Televizioni shtetëror ERT tha se tre prej trupave u gjetën brenda një veture dhe se sulmi dyshohet se u krye me një pistoletë.

Vetura ku u gjendën viktimat është me targa gjermane, ndërsa CNN-i grek raporton se të vrarët dyshohet të jenë shqiptarë.