Certifikata e vdekjes së Princ Philipit ka deklaruar se vdekja ka ardhur për shkak të moshës së vjetër. Pallati Buckingham njoftoi se Duka i Edinburgut ndërroi jetë paqësisht në Castle Windsor më 9 Prill, por pa zbuluar më shumë detaje.

Mediat e huaja raportojnë se nuk është identifikuar asnjë sëmundje që mund të ketë ndikuar në vdekjen e tij.

Philip kaloi një muaj në spital. Fillimisht u trajtua për një infeksion por më pas iu nënshtrua procedurës kirurgjikale.

Duka më pas u bashkua me Mbretëreshën në Kalanë Windsor, ku ata kaluan ditët e tij të fundit së bashku.

Philip ndërroi jetë dy muaj para përvjetorit të tij të 100-të në Qershor.