Në gjendjen e jashtëzakonshme që ka përfshirë Australinë me zjarret që vazhdojnë prej shtatorit, duket se ka ardhur njëfarë ndihme nga vetë nëna natyrë.

I gjithë bregu lindor, nga Sidnei në Melburn janë përfshirë nga shira të rrëmbyeshëm të cilat kanë ulur temperaturat.

Zbutja e kushteve klimatike i ka ardhur në nihmë dhe forcave të zjarrëfikësve dhe ata të ushtrisë për të ndihmuar banorët dhe për t’i furnizuar ata me gjithçka kanë nevojë.

Por zyrtarë të shtetit deklarojnë se vatrat e zjarreve do të riaktivizohen sërish.

Sipas shërbimit meteorologjik, temperaturat do të rriten sërish të enjten.

Gjithashtu ato deklarojnë se zjarri që ka përfshirë Victorian dhe New South Wales do të bashkohen për të formuar flakë më të mëdha dhe më shkatërruese.