Volodymyr Zelensky ka bërë thirrje për “veprim” për të siguruar fitoren ndaj Rusisë në vitin 2024 në mesazhin e drejtuar botës për Vitin e Ri.

Presidenti ukrainas tha se ishte një kohë “jo vetëm për dëshira, por edhe për të bërë gjithçka që është e mundur për t’i realizuar ato”.

“Viti i Ri ukrainas nuk është vetëm një kohë për përshëndetje, por edhe për veprim”, shkroi ai. “Viti ynë i Ri do të jetë ai që ne e bëjmë”.

Ai gjithashtu nderoi mbështetësit e Ukrainës, duke thënë se “mrekullia e Vitit të Ri, por edhe mrekullia gjatë gjithë vitit, jeni të gjithë ju: të përkushtuar, të përgjegjshëm, të kujdesshëm dhe efektiv”.

“Olena dhe unë u urojmë njerëzve që mbrojnë një jetë dhe energji të lirë dhe të sigurt në të ardhmen, jo vetëm për veten e tyre, por për të gjithë botën”, shtoi lideri ukrainas.

Ndryshe, Ukraina është duke luftuar kundër pushtuesve rusë që nga 24 shkurti i vitit 2022.

The Ukrainian New Year is not only a time for greetings, but also for action.

Not only for wishes, but also for doing everything possible to make them come true.

We, the Ukrainians, understand better than anybody else that a better future does not come by itself, but only… pic.twitter.com/CCqjmmuViO

— Volodymyr Zelenskyy / Володимир Зеленський (@ZelenskyyUa) December 31, 2023